Marsaxlokk…………….1
Pietá Hotspurs………..2
Pietá Hotspurs ħasdu lil Marsaxlokk meta għelbuhom bl-iskor ta’ 2-1, biex b’hekk baqghu jittamaw li jiksbu s-salvazzjoni fi tmiem l-istaġun.
Kienu Marsaxlokk li ħolqu l-ewwel periklu fil-21 minuta, u kienu sfortunati meta tentattiv ta’ Kristijan Keqi, stampa mal-wieqfa.
Dan sabiex żewġ minuti biss wara, ix-Xlukkajri qalgħu daqqa ta’ ħarta meta spiċċaw jilagħbu b’10 players wara li tkeċċa għalihom il-player Leandro Aguirre permezz ta’ karta ħamra diretta.
Pietá bdew japprofittaw mill-fatt li bdew jilagħbu bi player iktar u fid-29 minuta, żewġ tentattivi konsekuttivi ta’ Clinton Bangura u Ivan Farrugia ġew salvati tajjeb mill-goalkeeper ta’ Marsaxlokk, Marko Drobnjak.
Madankollu, kienu Marsaxlokk li fetħu l-iskor fit-42 minuta meta wara li rċieva minn cross mix-xellug, AYRTON ATTARD, permezz ta’ daqqa ta’ ras preċiża tefa’ ġewwa, b’dan ikun l-400 goal ta’ dan l-istaġun.
Pietá wettqu reazzjoni mmedjata u tliet minuti wara ġabu l-iskor indaqs meta ARMEN HOVHANNISYAN avvaza tajjeb u permezz ta’ xutt sabiħ, tefa’ l-ballun fir-rokna tax-xibka.
Pieta’ skorjaw il-goal tar-rebħa fis-70 minuta, permezz ta’ xutt mill-isbaħ mid-distanza tal-captain DANIEL ZERAFA li ma ta l-ebda ċans lil Marko Drobnjak, biex irriżulta goal tal-istampi u kontendent ewlieni għall-unur tal-Goal tal-Istaġun.
Marsaxlokk għamlu minn kollox biex iġibu l-iskor indaqs u fit-80 minuta, kien il-goalkeeper żagħżugh Reeves Cini li rriżulta bħala l-eroj assolut għal Pietá, meta salva bi bravura daqqa ta’ ras tajba tas-sostitut ta’ Marsaxlokk, Tiago Adan Fonseca.
Marsaxlokk: 95-Marko Drobnjak, 7-Ayrton Attard (99-Tiago Adan Fonseca 65), 9-Kristian Keqi, 17-Peter Xuereb (96-Daniel Agius 83), 21-Adrian Santiago Ferraris, 24-Juan Cruz Aguillar (13-Claudio Bonanni 65) (5-Christopher Edafe Uzeh 74), 25-Oscar Carniello, 27-Leandro Aguirre, 30-Ryan Scicluna, 37-Santiago Moracci, 88-Dejan Vukovic Coach: Pablo Doffo
Pietá H.: 1-Reeves Cini, 2-Samuel Okoh, 3-Clinton Bangura, 5-Ojo Abraham Temitope (4-Thomas Howland 90), 6-Daniel Zerafa, 7-Jake Ghio (99-Takuma Yamaguhi 62), 9-Armen Hovhannisyan, 10-Kian Leonardi (77-Davi Miranda 85), 17-Kurt Briffa (11-Alan David Schembri Wismayer 46), 18-Ivin Farrugia, 22-Zean Leonardi Coach: Rodney Bugeja
Referee: Stefan Pace
Ass. Referees: Edward Spiteri, Robert Curtis
Raba’ Uffiċjal: Fyodor Zammit
Skorers: A. Attard 43 (M), A. Hovhannisyan 45, D. Zerafa 70 (P)
Tkeċċa: L. Aguirre 23 (M)
Ammoniti: J. Cruz Aguillar, C. Bonanni (M), C. Bangura, D. Zerafa, K. Leonardi, I. Farrugia, Z. Leonardi, T. Yamaguchi (P)
Player tal-Logħba: Kristian Keqi (M)
