Id-difensur internazzjonali Spanjol ta’ Barcelona, Gerard Pique, issepara minn mal-mara Shakira, il-kantanta magħrufa Kolumbjana. Din l-aħbar ingħatat ftit tal-ħin ilu wara 11-il sena flimkien.
Fi stqarrija huma talbu għall-privatezza hekk kif dan il-pass ittieħed għall-ġid taż-żewġ uliedhom.
Intant rapporti fil-midja barranija qegħdin jirrapurtaw dwar il-mudella Suzy Cortez li qalet li minħabba rispett u ammirazzjoni lejn Shakira qatt ma tkellmet dwar kif saret taf lill-Ispanjol.
Żiedet tgħid li issa li l-koppja waslu f’dan l-istadju tħoss li tista’ titkellem dwar meta Pique talabha tgħidlu l-kejl ta’ parti mill-ġisem tagħha. Filwaqt li stqarret li fl-aħħar snin irċeviet kemm-il darba mingħand plejers li lagħbu ma’ Barcellona, il-mudella ddikjarat li fl-opinjoni tagħha Messi huwa wieħed mill-ftit plejers li huma verament leali lejn il-mara tagħhom.
