L-eks difensur tal-Kroazja, Dino Drpic, kien imniżżel fuq il-lista tat-trasferimenti ta’ Dinamo Zagreb wara li l-mara tiegħu kienet stqarriet li l-koppja għamlu s-sess fiċ-ċirku ċentrali tal-ground.
Dan wara li, Nives Celsius, li kienet is-sieħba tiegħu f’dak il-perjodu kienet fuq programm televiżiv fejn żvelat l-esperjenza tagħhom bid-dettalji kollha li seħħet f’nofs il-ground, fl-2009.
Hija żvelat li l-koppja gawdew ftit ħin waħedhom fuq it-turf ta’ Stadion Maksimir u stqarriet: “Dino kien irranġa mal-groundsmen biex jixegħlu d-dwal tal-istadium u fl-aħħar wettaq il-ħolma tiegħu li jagħmel is-sess f’nofs grawnd tal-football. Kien imqareb ħafna.”
Celsius hija eks mudella ta’ Playboy u taħdem bħala kantanta u attriċi fil-Kroazja. L-istqarrija tagħha malajr waslet għand l-uffiċjali tal-club li rrabjaw ħafna għal dak kollu li sar.
Wara din l-intervista, Drpic tpoġġa fuq il-lista tat-trasferimenti biex imbagħad ingħaqad mal-club Ġermaniż, Karlsruher, b’self f’Jannar 2009. Iżda mbagħad huwa ngħaqad magħhom b’mod permanenti u qatt ma mar lura ma’ Dinamo Zagreb.
Hu u Celsius iżżewġu bejn l-2005 u l-2014. Il-koppja għandhom żewġt itfal flimkien.
Ma’ Zagreb Drpic, li llum għandu 40 sena, rebaħ ħames kampjonat u sitt darbiet it-Tazza Kroata, fi tmien snin
Huwa lagħab darba għal pajjżu taħt il-coach Slaven Bilic, fl-2007 kontra s-Slovakkja.
