Hekk kif ninsabu fl-għatba tas-suq tat-trasferimenti ta’ Jannar fejn xi timijiet jiksbu s-servizzi ta’ plejers u jippruvaw itejbu s-sitwazzjoni tagħhom, hemm diversi plejers li ma sabux timijiet f’dawn l-aħħar xhur u jridu jistabilixxu ruħhom mill-ġdid.
Fost il-goalkeepers mingħajr klabb hemm Keylor Navas u Loris Karius, bid-difensuri Sergio Ramos, Marcelo u Simon Kjaer li wkoll f’dawn l-aħħar xhur ma kinux reġistrati ma’ xi klabb.
Min-naħa l-oħra bħala plejers f’nofs il-grawnd jispikkaw Dele Alli, Marco Van Ginkel, Antonio Candreva, Samu Castillejo u Rafinha li għadhom qed ifittxu klabb bl-atttakkanti prolifiċi Eric-Maxim Choupo Moting, Wissam Ben Yedder, Mattia Destro, Maxi Gomez u Mattia Destro li wkoll ma kienu reġistrati mal-ebda klabb.
