Membri tal-iskwadra tal-ewwel team ta’ Manchester United huma ħerqana li Mauricio Pochettino jieħu r-riedni tal-club minn Old Trafford fis-sajf li ġej.
Ralf Rangnick inħatar bħala l-manager temporanju tal-club aktar kmieni dan l-istaġun bil-ħsieb li potenzjalment jibqa’ fit-tmexxija tal-club fit-tul.
Madankollu, minħabba l-forma mhxu daqstant tajba ta’ Manchester United, dan issa jidher improbabbli ħafna, li jwassal biex uffiċjali tal-club jikkontemplaw alternattivi għall-Ġermaniż.
Filwaqt li ismijiet oħra ġew marbuta mat-tmexxija tal-club, huwa mifhum li diversi players veteran tar-Red Devils iridu li Pochettino jinħatar bħala s-suċċessur permanenti ta’ Ole Gunnar Solskjaer.
Jidher li l-wasla potenzjali tal-Arġentin ġiet diskussa fil-miftuħ bit-twemmin li huwa “il-persuna idonea għal din il-kariga”.
Għalkemm Pochettino bħalissa jinsab ma’ Paris Saint-Germain, huwa mistenni ħafna li se jitħalla jitlaq mill-Parc des Princes fi tmiem l-istaġun.
