Meta s-Sibt ittellgħu l-poloz tas-semi-finali tal-Izibet FA Trophy, teżisti possibbiltá kbira li se jkollna finali ripetizzjoni ta’ 50 sena ilu …. bejn Gzira United u Birkirkara.
Dan minħabba li huma evitaw lil xulxin hekk kif il-Gżirjani se jiffaċċjaw lil Marsaxlokk filwaqt li l-Karkariżi se jaffrontaw lill-ġirien Mosta.
Dawn iż-żewġ partiti huma skedati li jintlagħbu t- Tlieta 25 u l-Erbgħa 26 ta’ April, bil-finali tintlagħab fit-30 tax-xahar.
Eżattament nhar l-10 ta’ Ġunju, 1973, Gzira kienu rebħu t-tieni replay bl-iskor ta’ 2-0, wara żewġ draws ta’ mingħajr goals. L-iskorers kienu Robbie Caruana u Eric Schembri.
