It-tim Malti tal-kategorija Under 25’s li qiegħed jieħu sehem fil-Kampjonati Mondjali tal-Pool ġewwa l-Irlanda kiseb post fil-finali meta xejjen l-isfida tat-tim nazzjonali tal-Indja bl-iskor konvinċenti ta’ 5-0. It-tim Malti kompost minn Dejan Grech, Scott Muscat, Chris Zaffarese u Elcid Aquilina kien f’forma brillianti u ma ħalla l-ebda spazju lit-tim Indjan biex jirkupra. Il-finali ser tintlagħab għada fl-10 am, ħin ta’ Malta.
It-tim Malti tal-Over 50’s kien impenjat fis-semi-finali kontra l-Indja u safa megħlub bl-iskor ta’ 13-11. Il-players Maltin kienu sfortunati f’diversi okkażjonijiet li dawru r-riżultat għal telfa drammatika.
It-tim tal-Irġiel safa eliminat fil-kwarti tal-finali minn Franza bl-iskor ta’ 11-7.
Il-koppja Maltija Antoine Aquilina u Ray Caruana kisbu post fil-finali tal-kompetizzjoni doubles tal-Over 50’s. Fis-semi-finali, huma għelbu lit-tim Indjan bl-iskor ta’ 5-4 biex issa jilagħbu fil-finali llejla fit-8.30pm, ħin ta’ Malta, fil-finali kontra t-tim Ingliż kompost minn Liam Stanley u Gareth Owen.
Iż-żagħżugħ Malti Scott Muscat kiseb post fis-semi finali tal-kategorija Under 25’s u ser ikun impenjat illejla kontra Morgan Thomas tal-Irlanda.
