Minn informazzjoni li kiseb talk.mt, jidher li teżisti possibbiltà kbira li l-coach u analista sportiv Alfred Attard jirritorna fil-football lokali ma’ xi club partikolari.
Attard għandu esperjenza vasta fil-football lokali fejn fost oħrajn rebaħ l-FA Trophy ma’ Sliema Wanderers bħala assistant coach. Huwa beda jikkowċja team tal-kbar lura fl-2005 ma’ Santa Venera Lightnings fejn dam sentejn, qabel ingħaqad ma’ Balzan, imbagħad Sliema Wanderers, qabel ingħaqad għal żewġ staġuni u nofs ma’ Zabbar SP fejn kiseb il-promozzjoni.
Dan qabel mar ma’ Marsaxlokk fl-Ewwel Diviżjoni, imbagħad mar sentejn mal-youths ta’ Pietá Hostpurs, imbagħad Zebbug Rangers, qabel irritorna ma’ Zabbar SP fejn kiseb promozzjoni oħra, imbagħad għamel żewġ staġuni ma’ Mqabba.
