Bħalissa qed jissemmew diversi coaches li jistgħu jingħaqdu maċ-champions Taljani Napoli wara r-riżenja ta’ Luciano Spalletti minn din il-kariga. Wara li kien hemm isem il-coach ta’ Fiorentina Vincenzo Italiano li ilu jissemma’ għal dawn l-aħħar jiem, issa żdied ukoll dak ta’ Rudi Garcia, eks-kowċ ta’ Al Nassr fl-Arabja Sawdija.
Garcia kellu esperjenza ma’ Roma ftit tas-snin ilu u jaf sew il-kampjonat Taljan. Hu għandu 59 sena u kellu esperjenza wkoll ma’ Dijon, Lille, Marseille u Lyon.
