Fil-Premier League Ingliż, l-era tal-coach Olandiż, Arne Slot, fit-tmexxija ta’ Liverpool bdiet fuq nota pożittiva meta marru għand Ipswich Town u ħarġu rebbieħa bl-iskor ta’ 2-0.
Wara taqsima li fiha ddiżappuntaw, fit-tieni taqsima r-Reds kienu trasformati għal kollox biex skorjaw iż-żewġ goals bl-attakkant Eġizzjan, Mohamed Salah, ikun il-protagonista.
Fis-60 minuta ġab waħdu li Diogo Jota li kompla l-ballun għal ġewwa filwaqt li ħames minuti wara kien Salah stess li ssiġilla r-rebħa.
Ta’ min jgħid ukoll li din kien l-ewwel rebħa għal Liverpool fl-ewwel ġurnata tal-istaġun f’dan il-Millennju.
Arsenal v Wolves – Arsenal ospitaw lil Wolves u rebħulhom bl-iskor ta’ 2-0.
Il-Gunners fetħu l-iskor fil-25 minuta minn daqqa’ ta’ ras ta’ Kai Havertz li kkonkluda mill-cross ta’ Bukayo Saka … biex dan tal-aħħar irdoppja fis-60 minuta.
Everton v Brighton – Everton sofrew telfa kbira f’darhom kontra Brighton bl-iskor ta’ 3-0.
U biex l-affarijiet komplew sejrin ħażin għalihom, tkeċċa Ashley Young (66) għal karta ħamra diretta.
Il-goals tas-Seagulls waslu minn Kaoru Mitoma (26), Danny Welbeck (56) u Simon Adingra (87).
Newcastle v Southampton – Minkejja li lagħbu għal siegħa sħiħa bi player inqas meta tkeċċa Fabian Schar (30), Newcastle xorta waħda kienu tajbin biżżejjed biex għelbu lil Southampton 1-0, bil-goal jasal minn Joelinton (45).
Nottm F. v Buournemouth – Nottingham Forest u Bournemouth temmew fi draw ta’ 1-1.
Kien Chris Wood (23) li fetaħ l-iskor għall-Forest iżda Antoine Semenyo (87) kiseb id-draw għaċ-Cherries.
West Ham v Aston Villa – West Ham laqgħu lil Aston Villa u sfaw megħluba bl-iskor ta’ 2-1, b’dawn tal-aħħar jidhru li se jisfidaw għall-unuri.
Il-goals tal-Villans waslu minn Amadou Onana (4) u Jhon Duranm (79) filwaqt li Lucas Paqueta (37 pen) kiseb id-draw momentarju għall-Hammers.
