Fil-Premier League Ingliż, Arsenal irkupraw vantaġġ ta’ żewġ goals Chelsea biex fid-derby ta’ Londra temmew fi draw ta’ 2-2.
Liverpool v Everton – Liverpool rebħu d-derby ta’ Merseyside meta f’Anfield huma għelbu lil Everton bl-iskor ta’ 2-0.
Minkejja li ddominaw għal ħafna ħinijiet huma dehru għajjiena għall-fatt li kellhom jilagħbu fl-ewwel partita wara l-logħbiet internazzjonali … it-12-il waħda mindu l-manager, Jurgen Klopp, inħatar fil-kariga.
Iż-żewġ goals waslu fit-tieni taqsima minn Mohamed Salah (75 pen, 94).
Fit-37 minuta, it-Toffeemen spiċċaw jilagħbu bi player inqas meta tkeċċa Ashley Young għal żewġ karti sofor.
Bournemouth v Wolves – Wolves marru għand Bournemouth u dawru telfa f’rebħa biex għelbuhom bl-iskor ta’ 2-1.
Kien Dominic Solanke (17) li fetaħ l-iskor għal Bournemouth iżda Matheus Cunha (47) u Sasa Kalajdzic (88) taw it-tliet punti lil Wolves.
Bournemouth kellhom lil Lewis Cook (54) imkeċċi.
Brentford v Burnley – Brentford irreġistraw rebħa mill-aktar importanti meta għelbu lil Burnley bl-iskor ta’ 3-0, bil-goals jaslu minn Yoane Wissa (25), Bryan Mbeumo (62) u Saman Ghoddos (87).
Burnley kellhom lil Connor Roberts (78) imkeċċi għal żewġ karti sofor.
Man City v Brighton – Mancheser City kellhom jitħabtu biex għelbu lil Brighton bl-iskor ta’ 2-1.
Huwa fetħu vantaġġ ta’ żewġ goals minn Julian Alvarez (7) u Erling Haland (19) filwaqt li Ansu Fati (73) naqqas il-marġni tal-iskor għas-Seagulls.
Fil-ħin miżjud, is-Citizens tilfu lil Manuel Akanji meta ntwera l-karta l-ħamra.
Newcastle v C. Palace – Newcastle United kienu fi klassi għalihom meta laqgħu lil Crystal Palace u rebħulhom bl-iskor ta’ 4-0.
Il-protagonisti tal-Magpies kienu Jacob Murphy (4), Anthony Gordon (44), Sean Longstaff (45) u Callum Wilson (66).
Nottm F. v Luton – Nottingham Forest setgħu biss jispiċċaw fi draw ta’ 2-2 kontra Luton Town.
Huma fetħu vantaġġ ta’ żewġ goals minn Chris Wood (48, 76) iżda Chiedozie Ogbene (83) u Elijah Adebayo (93) salvaw ir-riżultat għall-Hatters.
Chelsea v Arsenal – Chelsea ospitaw lil Arsenal u spiċċaw fi draw ta’ 2-2 wara li kienu qed igawdu vantaġġ ta’ żewġ goals.
Cole Palmer (36 pen) u Mykhailo Mudryk (48) skorjaw għal Chelsea iżda Declan Rice (77) u Leandro Trossard (84) salvaw ir-riżultat għall-Gunners.
