Liverpool skurjaw żewġ gowls tard biex għelbu lil Wolves bl-iskor ta’ 3-1 f’Molineux u telgħu mometarjament fil-quċċata tal-klassifika.
Andy Robertson immarka l-200 dehra tiegħu fil-Premier League billi poġġa lir-Reds fil-vantaġġ għall-ewwel darba fil-85 minuta, qabel ma x-xutt tas-sostitut Harvey Elliott ħabat ma’ Hugo Bueno għal aut-goal sfortunat biex issiġġilla r-rebħa fil-ħin miżjud.
Cody Gakpo kiseb id-draw għal Liverpool fil-bidu tat-tieni taqsima meta kkonverta cross-shot bil-baxx ta’ Mohamed Salah.
It-team ospitu ddomina l-ewwel taqsima u meritatament fetaħ l-iskor meta Hwang Hee-Chan xeħet fix-xibka minn pożizzjoni angolata mill-cross ta’ Pedro Neto.
