Il-Premier League żvela li 90 player u persunel ġew ittestjati pożittivi għal Covid-19 matul il-ġimgħa li għaddiet, aktar mid-doppju tar-rekord preċedenti dan l- istaġun.
Bil-każijiet li qed jiżdiedu madwar ir-Renju Unit, kien hemm sejħiet għal waqfa fl-azzjoni festiva, għalkemm l-ogħla titjira tal-Ingilterra kkonfermat li biħsiebha tkompli torganizza l-logħob. Il-maġġoranza tal-clubs iridu wkoll ikomplu jilagħbu minkejja ż-żieda riċenti fil-każijiet.
Sitta mill-10 logħbiet tal-Premier League skedati fi tmiem il-ġimgħa li għadda ġew posposti minħabba testijiet pożittivi, u l-kampjonat issa kkonferma li nstabu 90 każ ġdid.
Stqarrija tgħid: “Is-sigurtà ta’ kulħadd hija prijorità u l-Premier League qed jieħu l-passi kollha ta’ prekawzjoni fid-dawl taż- żieda riċenti fil-każijiet tal-Covid-19 madwar il-pajjiż.
“Il-Premier League reġa’ mar għall-Miżuri ta’ Emerġenza tiegħu, u żied l-ittestjar tal-players u l-persunal tal-clubs għal testijiet Lateral Flow ta’ kuljum u testijiet PCR darbtejn fil-ġimgħa, wara li qabel wettaq testijiet Lateral Flow darbtejn fil-ġimgħa.
“Il-League llum jista’ jikkonferma li bejn it-Tnejn, 13 ta’ Diċembru, u l-Ħadd 19 ta’ Diċembru, ġew amministrati rekord ta’ 12,345 test tal-Covid-19 fuq players u persunel tal-clubs. Minn dawn, kien hemm 90 każ pożittiv ġdid.”
Għall-ġimgħa tas-6 u t-12 ta’ Diċembru ġew reġistrati 42 każ, jiġifieri din hija żieda ta’ aktar mid-doppju.
Dik iż-żieda tirrifletti l-istat ġenerali tar-Renju Unit, b’91,743 każ ieħor irrappurtati nhar it-Tnejn – it-tieni l-ogħla total ta’ kuljum fir-rekord. Il-gvern għadu ma ħareġ l-ebda restrizzjoni ġdida biex imur ma’ Pjan B, iżda qal li jirriserva l-possibbiltà li jieħu azzjoni f’xi punt.
Inħarġu wkoll ċifri dwar it-tilqim tal- players tal-Premier League. 77% tal-players issa huma mlaqqma doppjament kontra l-Covid-19 u 84% rċevew mill-inqas tilqima wieħed.
