Arsenal telgħu fl-ewwel post tal-klassifika tal-Premier League Ingliż wara r-rebħa ta’ 3-2 fuq Liverpool.
It-tliet goals tal-Gunners waslu minn Gabriel Martinelli (1) u Bukayo Saka (45, 76 pen) filwaqt li Darwin Nunez (34) u Roberto Firmino (53) wieġbu għar-Reds li ma ngħatawx dak li deher penalty ċar meta Gabriel mess il-ballun b’idu fil-kaxxa.
C. Palace v Leeds – Crystal Palace dawru telfa f’rebħa meta għelbu lil Leeds United 2-1. Kien Pascal Struijk (10) li fetaħ l-iskor għall-Peacocks iżda Odsonne Edouard (24) u Eberechi Eze (76) kisbu t- tliet punti għall-Eagles.
West Ham v Fulham – West Ham għelbu lil Fulham bl-iskor ta’ 3-1 b’goals minn Jarrod Bowen (29 pen), Gianluca Scamacca (62) u Michail Antonio (92) wara li Andreas Pereira (5) fetaħ l-iskor għal Fulham.
