Fil-Premier League Ingliż, Aston Villa fallew iċ-ċans li jitilgħu fil-quċċata tal-klassifika meta laqgħu lit-team ta’ qiegħ il-klassifika, Sheffield United, u setgħu biss jispiċċaw fi draw ta’ 1-1.
Dan il-konfront kellu tmiem drammatiku meta żewġ minuti mit-tmiem kienu Sheffield United li fetħu l-iskor permezz tal-eks player tal-Villa, Cameron Archer.
Iżda, fis-97 minuta, Nicoló Zaniolo “seraq” id-draw għat-team immexxi mill-coach, Unai Emery.
L-aħħar darba li Aston Villa kienu fil-quċċata tal-Premier League kien f’Awwissu 2011.
