Minn Cristian Muscat
Gudja United ……3
Gzira United …….3
F’partita mill-isbaħ u li pproduċiet xejn inqas minn sitt goals, Gudja United u Gzira United temmew il-konfront ta’ bejniethom fi draw ġust ta’ 3-3 minkejja li dawn tal-aħħar lagħbu għal aktar minn taqsima bi player inqas biex fallew żewġ punti mill-aktar importanti
Fit-18-il minuta Gudja United fetħu l-iskor proprju fl-ewwel azzjoni perikoluża li ħolqu meta Nazaret niżżel il-ballun lejn VITO PLUT li b’xutt minn barra l-kaxxa ma ħafirx.
Ħames minuti wara, huma rduppjaw hekk kif Neil Micallef għadda tajjeb lejn SAMUEL GOMES DA MATA li kellu x-xutt mill-viċin tiegħu jintemm fix-xibka bil-ballun jaħbat mal-wieqfa qabel jintemm ġewwa.
Fit-30 minuta, il-Gudjani resqu viċin iżda x-xutt ta’ Matias Muchardi ġie salvat tajjeb mill-goalkeper Darijan Zarkov.
U biex l-affarijiet komplew jeħżienu għall-Maroons, fit-42 minuta huma spiċċaw jilagħbu bi player inqas meta tkeċċa Luis Carlos Riascos bit-tieni foul jikkommetieh fuq Matias Muchardi.
Madankollu minkejja din l-inferjoritá numerika u kontra x-xejra tal-logħob, minuta wara, il-Gżirjani naqqsu l-marġni tal-iskor hekk kif minn cross minn fuq ix-xellug, JEFFERSON DE ASSIS, kien fil-post preċiż fil-mument opportun u permezz ta’ daqqa ta’ ras mill-viċin tefa’ ġewwa biex reġa’ daħħal lil sħabu fil-partita.
Kien biss fil-65 minuta li waslet l-ewwel azzjoni denja ta’ nota fit-tieni taqsima u li fiha l-Maroons irnexxielhom iġibu l-iskor indaqs meta l-attakkant Brażiljan MAXUELL MAIA b’ċerta aġilitá dar ma’ difensur avversarju u b’xamma kbira għall-goal tefa’ l-ballun fir-rokna tax-xibka.
Tmien minuti wara, il-Maroons qalbu l-iskor favur tagħhom meta Jackson Mendoza kellu freekick li ġie ppanċjat qasir mill-goalkeeper Gudjan b’JEFFERSON DE ASSIS ikun pront u b’daqqa ta’ ras xeħet ġewwa.
Iżda ħames minuti mit- tmiem JOHANN BEZZINA salva r-riżulta għal Gudja meta dar ma’ tliet players qabel ma għeleb lill-goalkeeper ta’ riserva, David Cassar.
GUDJA U.: 1-Glenn Zammit, 3-Juan Ramires Bolanos, 5-André Prates, 9-Vito Plut, 10-Matias Muchardi (88-Farid Zuniga Romero 54), 13-James Arhur, 14-Neil Micallef, 22-Hubert Vella (7-John Mintoff 38) (19-Johann Bezzina 51), 23-Neil Tabone, 39-Samuel Gomes Da Mata, 77-Nicolas Navarrete (11-Ahinga Bienvenu Selemani 52) – Coach: Andrea Agostinelli
GZIRA U.: 30-Darijan Zarkov (1-David Cassar 46), 3-Gabriel Bohrer Mentz, 6-Nikolai Muscat (91-Maxuell Maia 46), 7-Steve Pisani (98-Jackson Mendoza 46), 8-Zachary Scerri, 16-Luis Carlos Riascos, 17-Clive Gauci (4-Andrew Borg 89), 22-Toni Kolega, 23-Ricardo Correa Duarte, 44-Marko Cosic, 94-Jefferson De Assis – Coach: Darren Abdilla
REFEREE: Stefan Pace
ASS. REFEREES: Duncan Sultana, Mark Ciantar
RABA’ UFF: Trustin Farrugia Cann
SKORERS: V. Plut 18, S. Gomes Da Mata 23, J. Bezzina 85 (Gd U), J. De Assis 43, M. Maia 65, 73 (Gz U)
AMMONITI: L. C. Riascos (2), S. Pisani, Z. Scerri, G. Bohrer Mentz (Gz), J. Arthur, N. Micallef, J. Bezzina, A. B. Selemani (Gd)
TKEĊĊA: L. Riascos 42 (Gz)