Mosta ……..…1
Hmarun S. ….0
Mosta ħasdu lil Hamrun Spartans meta għelbuhom bl-iskor minimu ta’ 1-0 b’goal lejn it-tmiem, biex filwaqt li huma rreġistraw l-ewwel rebħa tal-istaġun, taw l-ewwel telfa liċ-champions.
Bla dubju, din it-telfa kienet skoss qawwi għall-Ispartans fit-tentattiv tagħhom li jkomplu jiddefendu t-titlu.
Kienu Hamrun li ħolqu l-ewwel attakk wara biss tliet minuti meta meta l-konklużjoni ta’ Joseph Mbong ġiet salvata mingħajr wisq problemi mill-goalkeeper David Udoh Akpan.
Mosta wieġbu mal-kwarta logħob meta f’kontrattakk, il-cross ta’ Zachary Brincat ġie devjat f’corner minn Wendel Barros.
Fit-36 minuta, l-Ispartans reġgħu heddew meta Elionay Freitas Da Silva għadda tajjeb lejn Luke Montebello, bil-konklużjoni tiegħu ġġiegħel lill-goalkeeper Mosti jwettaq save tajjeb.
Huma komplew jiddettaw il-logħob u kellhom ċans tad-deheb li jiftħu l-iskor eżatt qabel tmiem l-ewwel taqsima meta Larsson Coulibaly ikkommetta foul fuq Juan Carlos Corbolan fil-kaxxa, bir-referee Fyodor Zammit jordna penalty.
Iżda mill-11-il metru, Montebello ra x-xutt tiegħu jistampa mal-mimduda biex dan kien it-tieni penalty fallut tal-istaġun.
Bil-logħob ikun l-aktar konċentrat f’nofs il-ground, l-azzjoni sussegwenti waslet biss fit-68 minuta b’Mosta jkunu huma li joħolqu l-periklu meta x-xutt ta’ Giancarlo Concalves falla l-mira.
Hamrun wieġbu fis-77 minuta meta xutt tas-sostitut Shaisen Attard għadda għoli.
Fit-80 minuta, Hamrun qalgħu daqqa ta’ ħarta meta tkeċċa Ryan Camenzuli hekk kif deher jgħaddi xi kummenti mhux xierqa.
Il-partita dehret destinata għal draw ta’ mingħajr goals iżda minuta mit-tmiem, Mosta skorjaw il-goal tar-rebħa meta s-sostitut SUNDAY OKEREKE irnexxielu jisraq l-ballun lid-difiża Ħamruniża u bir-ras tefa’ l-ballun fix-xibka.
Mosta: 22-David Udoh Akpan, 4-Prince Afryie, 6-Larsson Coulibaly (5-Sasha Cachia 92), 9-Souleymane Kone (21-Nathan Agius 72), 10-Giancarlo Goncalves (30-Sunday Okereke 72), 13-Clayton Failla, 23-Joshua Agyemang, 31-Joao Victor Teixeira, 74-Jake Vassallo, 77-Zachary Brincat (7-Richard da Silva Souza 72) (26-Matheus Pires 92), 96-Leonardo Da Silva – Coach: Joe Grech
Hamrun S.: 1-Henry Bonello, 5-Sven Xerri, 7-Luke Monetbello, 9-Chris Marlon Ondang (3-Matthias Ellul 81), 10-Joseph Essien Mbong, 12-Roko Prsa, 14-Elionay Freitas Da Silva (77-Shaisen Attard 62), 17-Wendel Barros Da Silva (19-Victor Leite Da Silva 62), 28-Juan Carlos Corbalan (25-Ederson Bruno Domingos 46), 33-Mayron, 94-Ryan Camenzuli – Coach: Alessandro Zinnari
REFEREE: Fyodor Zammit
ASS. REFEREES: Duncan Spencer, Shaun Calleja
RABA’ UFF: Glen Tonna
SKORER: S. Okereke 89 (M)
AMMONITI: C. Failla, J. De Souza Teixiera (M), L. Montebello, J. E. Mbong, E. Freitas Da Silva, E. B. Domingos (HS)
TKEĊĊA: R. Camenzuli 80 (H)
