Sunday, August 31, 2025

Premier League: Hamrun S. u Valletta jġeddu r-rivalitá

Aqra wkoll

Il-Ħadd tiġi fi tmiemha t-tieni ġurnata tal-Malta Premier League hekk kif tintlagħab il-partita ta’ antiċipazzjoni bejn Hamrun Spartans u Valletta, li kellha tintlagħab fi tmiem il-ġimgħa li għadda iżda minħabba l-impenji tal-Ispartans fil-UEFA Conference League, tressqet għal-lum. 

U ladarba qed insemmu din il-kompetizzjoni Ewropea, wieħed irid jawgura lill-Ħamruniżi tal-bravura li għamlu hekk kif saru l-ewwel team Malti li kkwalifikaw għall-Fażi tal-Kampjonati ta’ dan il-livell. 

Għaldaqstant, jinżlu għal dan il-konfront b’moral mill-aktar għoli iżda l-Beltin ikunu lesti li jqumu għall-okkażjoni li kel­lhom ċans jistrieħu u jippreparaw għal din il-partita għal dawn l-aħħar ġimagħtejn.

Bla dubju, li dan il-konfront mistenni li jkollu l-akbar attendenza s’issa f’dan l-istaġun hekk kif iż-żewġ settijiet ta’ partitarji jerġgħu jġeddu r-rivalitá tas-snin 80. 

L-aħħar darba li dawn iż-żewġ timijiet iltaqgħu kien nhar it-2 ta’ Marzu, 2024, fejn spiċċaw fi draw ta’ 1-1.

F’dak l-istaġun, il-Beltin tilfu l-profil tagħ­hom fl-ogħla diviżjoni iżda rritornaw mill-ewwel hekk kif mingħajrhom il-football Malti jitlef mill-interess.   

Iż-żewġ timijiet ġejjin minn riżultati ta’ draw. Filwaqt li l-Ħamruniżi ġew miżmuma fi draw ta’ 1-1 mit-team promoss ta’ Tar­xien Rainbows, Valletta temmew f’paritá ta’ mingħajr goals kontra Birkirkara f’logħba li kienu sfortunati. 

Hamrun Spartans ma jistgħux jagħ­mlu użu minn Ognjen Bjelicic li jkun qed jiskonta t-tieni u l-aħħar sospensjoni filwaqt li Valletta għandhom lil Emmanuel Mbende Moise, iżda jirritorna Peter Ohaka minn sospensjoni. 

Dan il-konfront se jintlagħab fl-Istadium Nazzjonali, fis-7.30 pm.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport