Manchester United komplew iżommu t-tamiet tagħhom ħajjin li jtemmu mal-ewwel erbgħa meta f’darhom għelbu lil Everton bl-iskor ta’ 2-0 biex qabżu fit-tielet poizzjoni.
Min-naħa tagħhom, Everton ħadu skoss qawwi fit-taqtiegħa għas-salvazzjoni.
Il-goals tar-Red Devils waslu wieħed f’kull taqsima minn Scott McTominay (36) u Anthony Martial (72).
Peró, din ir-rebħa ġiet imtappna mill-injury li sofra Marcus Rashford fil-groin għaxar minuti mit-tmiem.
