Newcastle United qabżu fit-tielet post tal-Premier League Ingliż meta laqgħu lil Manchester United u rebħulhom bl-iskor ta’ 2-0.
B’din it-telfa, issa r-Red Devils niżlu fir-raba’ pożizzjoni tal-klassifika u saħansitra qed jirriskjaw li ma jikkwalifikawx għall-UEFA Champions League hekk kif għandhom sfida mingħand Tottenham, li llum imorru jilagħbu għand Everton, u sa ċertu punt anke minn Brighton.
Iż-żewġ goals tal-Magpies waslu fit-tieni taqsima minn Joseph Willock (65) u Callum Wilson (88).
West Ham v Southampton – West Ham ospitaw lil Southampton u għelbuhom bl-iskor ta’ 1-0 biex għamlu pass importanti fit-taqtiegħa għas-salvazzjoni.
L-uniku goal tal-partita wasal minn Nayef Aguerd (25).
