Manchester City ġew inkurunati champions tal-football Ingliż għall-ħames darba f’sitt snin.
Qabel il-logħba kontra Chelsea, huma ġew dikjarati champions wara li s-Sibt Arsenal sfaw megħluba minn Nottingham Foresti bl-iskor ta’ 1-0.
Għaldaqstant, it-team immexxi mill-coach Pep Guardiola ma kellu l-ebda pressjoni … u b’team kompletament mibdul xorta waħda kienu tajbin biżżejjed biex għelbu lil Chelsea bl-iskor ta’ 1-0.
Il-goal wasal kmieni meta fid-disa’ minuta, Julian Alvarez għeleb lil Kepa Arrizabalaga b’xutt imdawwar.
West Ham v Leeds – West Ham ospitaw lil Leeds United u dawru telfa f’rebħa biex għelbuhom bl-iskor ta’ 3-1.
B’din it-telfa issa Leeds jinsabu f’periklu serju li staġun ieħor jilagħbu fiċ-Championship hekk kif jinsabu fiż-żona l-ħamra, żewġ punti taħt Everton.
U meta fadal partita għat-tmiem, Leeds jospitaw lil Tottenham filwaqt li Everton jilagħbu f’darhom kontra Bournemouth. Għaldaqstant xejn għajr minn rebħa ma tissodisfa l-kriterji ta’ Leeds. Min-naħa l-oħra, draw jkun biżżejjed għal Everton biex isalvaw posthom.
Intant, kien Rodrigo (17) li fetaħ l-iskor għal Leeds iżda l-Hammers skorjaw tliet darbiet minn Declan Rice (32), Jarrod Bowen (72) u Manuel Lanzini (93)
Brighton v Southampton – Brighton sellmu lill-partitarji tagħhom għall-aħħar darba f’dan l-istaġun b’rebħa ta’ 3-1 fuq Southampton li diġá huma relegati.
It-tliet goals tas-Seagulls waslu minn doppjetta ta’ Evan Ferguson (29, 40) u Pascal Gross (69) filwaqt li Mohamed Elyounoussi (58) wieġeb għas-Saints.
