Althea Ciantar u Pauline Tonna huma ż-żewġ plejers femminili li kisbu l-kwalifikazzjoni għall-Premier League of Darts waqt il-logħob li sar fil-bidu ta’ din il-ġimgħa.
Ciantar iddominat il-logħba tagħha kontra Graziella Abela tant li rebħet 3-0 filwaqt li Tonna ma sabithiex daqshekk faċli sabiex tegħleb lil Joanne Borg 3-2.
Għaxar plejers ħadu sehem f’dan it-turnament ta’ kwalifikazzjoni. Sadanittant il-ġimgħa d-dieħla jintlagħab turnament ieħor fejn żewġ plejers oħra femminili jikkwalifikaw.
Eventwalment isir turnament finali bejn l-erba’ plejers li jikkwalifikaw sabiex waħda minnhom issir champion ta’ Malta.
