Wirja kbira mill-plejer tad-darts Norbert Attard kienet fundamentali sabiex hu stess jitla’ fl-ewwel post tal-klassifika tal-Premier League of Darts wara li għeleb lil Lawrence Spiteri 4-1. Attard ftit ta ċans lill-avversarju tiegħu jilgħab il-logħba tipika tiegħu bl-istess Spiteri li naqqas il-marġni tal-iskor meta rnexxielu jirbaħ set kontra l-erbgħa l-oħra li tilef.
Minkejja li ma kienx fl-azzjoni, John Agius żamm it-tieni post tal-klassifika b’Tony Borg u Enrico Scerri jirkupraw wara rebħiet identiċi ta’ 4-0 kontra Matthew Vella u Kevin Aquilina rispettivament.
Fis-sezzjoni tan-nisa, Althea Ciantar baqgħet iżomm il-quċċata tal-klassifika wara żewġ rebħiet konsekuttivi ta’ 3-0 u 3-1 kontra Kelly Harvey u Bev Keen rispettivament.
Sadanittant dawn kienu r-riżultati li kellna f’din it-tielet ġurnata:
Enrico Scerri – Kevin Aquilina 4-0
Tony Borg – Matthew Vella 4-0
Norbert Attard – Lawrence Spiteri 4-1
Brian Abela – Albert Scerri 1-4
Althea Ciantar – Kelly Harvey 3-0
Amy Abela – Bev Keen 3-1
Amy Abela – Kelly Harvey 3-0
Bev Keen – Althea Ciantar 1-3
KLASSIFIKA – KATEGORIJA RĠIEL
Norbert Attard 10, John Agius 8, Albert Scerri, Tony Borg, Enrico Scerri 6, Brian Abela 4, Eucharist Baldacchino, Kevin Aquilina, Matthew Vella, Lawrence Spiteri 2.
KLASSIFIKA – KATEGORIJA NISA
Althea Ciantar 8, Amy Abela 6, Bev Keen 2, Kelly Harvey.
