Marsaxlokk …….0
Sliema W. ……….1
Fil-Premier League, Sliema Wanderers kisbu rebħa minima ta’ 1-0 kontra Marsaxlokk biex filwaqt li telgħu jaqsmu l-ewwel post tal-klassifika flimkien ma’ Birkirkara, min-naħa tagħhom Marsaxlokk sofrew ir-raba’ telfa konsekuttiva biex għadhom qed ifittxu l-ewwel punt … u jinsabu f’inkwiet kbir li jistgħu jispiċċaw mal-aħħar sitta għat-tieni round ta’ din l-ewwel fażi.
Is-Slimiżi mill-ewwel ħarġu fuq l-offensiva u proprju fl-10 minuta, huma fetħu l-iskor meta Myles Beerman għadda lejn Vito Plut li kompla lejn id-debuttant WESCLEY MATOS DA SILVA li minn pożizzjoni ideali għeleb għal kollox lill-goalkeeper, Marko Drobnjak.
Fis-16-il minuta, Drobnjak salva fuq free-kick ta’ Steve Pisani … u erba’ minuti wara Wescley seta’ rdoppja iżda falla l-mira minn taħt il-lasti.
Fit-38 minuta, ix-xutt ta’ Magri Overand kien imblukkat iżda mir-rebound, Samuel Da Mata xeħet barra.
Għaxar minuti mill-ftuħ tat-tieni taqsima, Marsaxlokk heddew għall-ewwel darba iżda Yuri de Jesus Messias falla ċans tad-deheb meta mill-viċin xeħet barra.
Il-Wanderers għamlu reazzjoni tliet minuti wara bid-daqqa ta’ ras ta’ Vito Plut tgħaddi tħakkek mal-lasta.
Fit-62 minuta, il-Blues appellaw għal penalty meta Plut twaqqa’ fil-kaxxa iżda kollox kien normali għar-referee Philip Farrugia.
It-team immexxi mill-coach, Paul Zammit, baqa’ jikkontrolla kull sitwazzjoni bix-Xlukkajri jippruvaw joperaw bil-kontrattakki iżda ma setgħux jippenetraw lid-difiża kompatta Slimiża.
Għaldaqstant bdew jippruvaw jirrikorru għal xuttijiet mid-distanza … bl-aktar li resaq viċin kien Duane Bonnici, li iżda, sab lill-goalkeeper Kevin Emeka attent.
U bil-ħin għaddej, Sliema baqgħu jiddettaw biex sas-suffara finali l-iskor baqa’ ma nbidilx biex huma baqgħu l-uniku team li għadu ma sofra l-ebda goal.
MARSAXLOKK: 95-Marko Drobnjak, 3-Jefferson De Jesus Santos, 8-Jake Ghio (4-Karl Micallef 58), 10-Yuri De Jesus Messias (9-Patrick Nonato 74), 11-Duane Bonnici, 19-Jose Ulises Arias, 23-Alex De Aguiar Gomes, 24-Enmy Manuel Pena Beltre (26-Raphael Holzhauser 58), 27-Leandro Aguirre, 28-Nikola Raden, 30-Ryan Scicluna – Coach: Winston Muscat
SLIEMA W.: 12-Kelvin Agu Emeka, 2-Jean Borg, 7-Adam Magri Overend (8-Edmond Agius 81), 9-Vito Plut (22-Cain Attard 81), 10-Samuel Gomes Da Mata (77-Mohammed Awad 74), 11-Myles Beerman, 15-Gustavo Alcino, 20-Wescley Matos Da Silva (18-Sergio Felipe Ramos da Silva 74), 31-Murilo Henrique Freire Bernardo, 42-Simon Zibo, 70-Steve Pisani (5-Neil Frendo 86) – Coach: Paul Zammit
REFEREE: Philip Farrugia
ASS. REFEREES: Luke Portelli, Max Lee Muscat
RABA’ UFF: Trustin Farrugia Cann
SKORER: W. Matos Da Silva 10 (SW)
AMMONITI: J. de Jesus Santos, J. Ghio (M)
