Minn Cristian Muscat
Illum u għada tintlagħab is-seba’ ġurnata tal-Premier League qabel l-impenji tat-team nazzjonali bil-partita ta’ ħbiberija kontra t-Turkmenistan u dik tal-UEFA Nations League kontra l-Moldova.
L-aktar żewġ partiti li jispikkaw, bla dubju, huma Hamrun Spartans v Hibernians u Birkirkara v Sliema Wanderers.
Fil-veritá hija ħasra li partiti ta’ din il-portata u hekk importanti se jintlagħbu matul il-ġimgħa minħabba li se jkunu privi mill-ispettaturi.
Dan minħabba li l-għada kulħadd ikun irid jisbaħ għax-xogħol kif ukoll li llum u għada ikomplu jintlagħbu l-kompetizzjonijiet Ewropej li żgur li se jtellfu mill-interess tal-football domestiku.
Intant, partita oħra interessanti hija dik bejn Mosta u Floriana hekk kif dawn tal-aħħar jimmiraw li joħorġu bit-tliet punti filwaqt li jittamaw li ż-żewġ partiti l-kbar jintemmu fi draw.
Konfront bilanċjat li jista’ jmur kull naħa huwa dak bejn Naxxar Lions u Melita filwaqt li Marsaxlokk jimmiraw għat-tieni rebħa meta jilagħbu kontra Zabbar St Patrick.
Balzan jiffaċċjaw lil Gzira United li t-tnejn ġejjin minn telfa.
Hamrun S. v Hibernians – Dan il-konfront ilaqqa’ żewġ timijiet glorjużi fejn tiġġedded ir-rivalitá ta’ bejniethom.
Dan minbarra li bħalissa jinsabu jaqsmu t-tielet post bi 11-il punt kull wieħed u ħames punti taħt il-leaders Birkirkara … u għaldaqstant rebħa hija mill-aktar imperattiva.
Wara telfa kontra Mosta (1-0) u draw kontra Balzan (1-1), l-Ispartans kisbu rebħa kbira ta’ 6-0 fuq Naxxar Lions biex irreġistraw l-akbar skor s’issa f’dan l-istaġun.
Għaldaqstant huma jinżlu għal din il-partita kontra team li kellu jitħabat biex għeleb lil Zabbar St Patrick (2-1) fejn kienu dawn tal-aħħar li fetħu l- iskor.
Il-Pawlisti jkunu msaħħa bir-ritorn ta’ Higor Gabriel Fernandes Alves minn sospensjoni.
Birkirkara v Sliema W. – Din hija partita bejn żewġ timijiet, li flimkien ma’ Floriana, għadhom mingħajr telfa.
Il-pressjoni tinsab kollha fuq Sliema Wanderers li jinsabu distakkati b’erba’ punti mil-leaders Birkirkara u għaldaqstant jekk dawn tal-aħħar joħorġu rebbieħa jiftħu vantaġġ ta’ seba’ punti fuq l-istess Wanderers.
Iż-żewġ timijiet ġejjin minn logħbiet diffiċli tant li kien lejn it-tmiem tal-partita li laħqu l-objettiv tagħhom.
Filwaqt li l-Karkariżi għelbu lil Mosta b’goal waħdani skorjat fit-87 minuta, is-Slimiżi salvaw il- logħba fis-96 minuta meta ġustament ingħataw penalty biex temmew fi draw ta’ 2-2 kontra Melita.
Din hija logħba miftuħa għal kull riżultat u żball jista’ jkun detrimentali.
Il-Wanderers se jkunu mingħajr is-sospiż, Myles Beerman.
Zabbar SP v Marsaxlokk – Din hija partita mill-aktar bilanċjata bejn żewġ timijiet li jinsabu fin-naħa t’isfel tal-klassifika.
Filwaqt li ż-Żabbarin għandhom erba’ punti, ix- Xlukkajri jinsabu fil-qiegħ tal-klassifika b’punt inqas.
Marsaxlokk jimmiraw li jiksbu t-tliet punti biex jaqbżu lil dawn l-avversarji diretti li jagħtuhom tama ġdida wara bidu mill-aktar diżastruż fejn kisbu rebħa waħda wara ħames telfiet konsekuttivi.
U bil-kwalitajiet li jippossjiedu wieħed jistaqsi kemm huma kapaċi jtemmu mal-ewwel sitta f’din il-fażi meta fadal ħames partiti.
Iż-Żabbarin ma jistgħux jinkludu lis-sospiż, Strahinja Jovancic
Mosta v Floriana – Dan il-konfront huwa wieħed delikat għal Floriana kontra team li ma kienx ħaqqu joħroġ b’idejh vojta fit-telfa ta’ 1-0 kontra Birkirkara.
Għaldaqstant, il-Mostin se jagħmlu minn kollox biex ipattu għal dan id-diżappunt kif ukoll jagħtu l-ewwel telfa tal-istaġun lil Floriana li l-bilanċ tagħhom jaqra tliet rebħiet u tliet draws.
Il-Greens se jkun msaħħa bir-ritorn tad-difensur, Oualid El Hasni, minn sospensjoni.
Din se tkun partita speċjali għar-referee, Fyodor Zammit, li se jkun qed jikkontrolla l-200 partita fl-ogħla diviżjoni Maltija wara li kien iddebutta nhar 12 ta’ Diċembru, 2010, fid-draw ta’ 2-2 bejn Qormi u Vittoriosa Stars fil-Hibernians Stadium.
Naxxar L. v Melita – Naxxar Lions iridu jinsew l-umiljazzjoni ta’ 6-0 kontra Hamrun Spartans u jirriorganizzaw fit-tentattiv li jiksbu t-tliet punti kontra Melita li kienu sekondi bogħod minn rebħa ta’ 2-1 fuq Sliema Wanderers. Iżda dawn tal-aħħar rebħu penalty biex salvaw ir- riżultat.
Iż-żewġ timijiet mistennija li jinżlu bl-aħjar formazzjoni possibbli.
Balzan v Gzira U. – Din hija logħba bejn żewġ timijiet li ġejjin minn telfa identika ta’ 2-1 … Balzan kontra Marsaxlokk u Gzira United kontra Floriana.
Rebħa għall-Gżirjani tagħti indikazzjoni bikrija għall-qasma bejn it-Top 6 u l-Bottom 6 jew aħjar li se jkunu qed jilagħbu fil-Pla-Out.
Filwaqt li Gzira għandhom lil Joseph Minala sospiż, Henri Braham Stanic jirritorna għal Balzan minn sospensjoni.
Premier League: Żewġ konfronti diretti bejn erba’ timijiet ta’ fuq
Minn Cristian Muscat
Illum u għada tintlagħab is-seba’ ġurnata tal-Premier League qabel l-impenji tat-team nazzjonali bil-partita ta’ ħbiberija kontra t-Turkmenistan u dik tal-UEFA Nations League kontra l-Moldova.
L-aktar żewġ partiti li jispikkaw, bla dubju, huma Hamrun Spartans v Hibernians u Birkirkara v Sliema Wanderers.
Fil-veritá hija ħasra li partiti ta’ din il-portata u hekk importanti se jintlagħbu matul il-ġimgħa minħabba li se jkunu privi mill-ispettaturi.
Dan minħabba li l-għada kulħadd ikun irid jisbaħ għax-xogħol kif ukoll li llum u għada ikomplu jintlagħbu l-kompetizzjonijiet Ewropej li żgur li se jtellfu mill-interess tal-football domestiku.
Intant, partita oħra interessanti hija dik bejn Mosta u Floriana hekk kif dawn tal-aħħar jimmiraw li joħorġu bit-tliet punti filwaqt li jittamaw li ż-żewġ partiti l-kbar jintemmu fi draw.
Konfront bilanċjat li jista’ jmur kull naħa huwa dak bejn Naxxar Lions u Melita filwaqt li Marsaxlokk jimmiraw għat-tieni rebħa meta jilagħbu kontra Zabbar St Patrick.
Balzan jiffaċċjaw lil Gzira United li t-tnejn ġejjin minn telfa.
Hamrun S. v Hibernians – Dan il-konfront ilaqqa’ żewġ timijiet glorjużi fejn tiġġedded ir-rivalitá ta’ bejniethom.
Dan minbarra li bħalissa jinsabu jaqsmu t-tielet post bi 11-il punt kull wieħed u ħames punti taħt il-leaders Birkirkara … u għaldaqstant rebħa hija mill-aktar imperattiva.
Wara telfa kontra Mosta (1-0) u draw kontra Balzan (1-1), l-Ispartans kisbu rebħa kbira ta’ 6-0 fuq Naxxar Lions biex irreġistraw l-akbar skor s’issa f’dan l-istaġun.
Għaldaqstant huma jinżlu għal din il-partita kontra team li kellu jitħabat biex għeleb lil Zabbar St Patrick (2-1) fejn kienu dawn tal-aħħar li fetħu l- iskor.
Il-Pawlisti jkunu msaħħa bir-ritorn ta’ Higor Gabriel Fernandes Alves minn sospensjoni.
Birkirkara v Sliema W. – Din hija partita bejn żewġ timijiet, li flimkien ma’ Floriana, għadhom mingħajr telfa.
Il-pressjoni tinsab kollha fuq Sliema Wanderers li jinsabu distakkati b’erba’ punti mil-leaders Birkirkara u għaldaqstant jekk dawn tal-aħħar joħorġu rebbieħa jiftħu vantaġġ ta’ seba’ punti fuq l-istess Wanderers.
Iż-żewġ timijiet ġejjin minn logħbiet diffiċli tant li kien lejn it-tmiem tal-partita li laħqu l-objettiv tagħhom.
Filwaqt li l-Karkariżi għelbu lil Mosta b’goal waħdani skorjat fit-87 minuta, is-Slimiżi salvaw il- logħba fis-96 minuta meta ġustament ingħataw penalty biex temmew fi draw ta’ 2-2 kontra Melita.
Din hija logħba miftuħa għal kull riżultat u żball jista’ jkun detrimentali.
Il-Wanderers se jkunu mingħajr is-sospiż, Myles Beerman.
Zabbar SP v Marsaxlokk – Din hija partita mill-aktar bilanċjata bejn żewġ timijiet li jinsabu fin-naħa t’isfel tal-klassifika.
Filwaqt li ż-Żabbarin għandhom erba’ punti, ix- Xlukkajri jinsabu fil-qiegħ tal-klassifika b’punt inqas.
Marsaxlokk jimmiraw li jiksbu t-tliet punti biex jaqbżu lil dawn l-avversarji diretti li jagħtuhom tama ġdida wara bidu mill-aktar diżastruż fejn kisbu rebħa waħda wara ħames telfiet konsekuttivi.
U bil-kwalitajiet li jippossjiedu wieħed jistaqsi kemm huma kapaċi jtemmu mal-ewwel sitta f’din il-fażi meta fadal ħames partiti.
Iż-Żabbarin ma jistgħux jinkludu lis-sospiż, Strahinja Jovancic
Mosta v Floriana – Dan il-konfront huwa wieħed delikat għal Floriana kontra team li ma kienx ħaqqu joħroġ b’idejh vojta fit-telfa ta’ 1-0 kontra Birkirkara.
Għaldaqstant, il-Mostin se jagħmlu minn kollox biex ipattu għal dan id-diżappunt kif ukoll jagħtu l-ewwel telfa tal-istaġun lil Floriana li l-bilanċ tagħhom jaqra tliet rebħiet u tliet draws.
Il-Greens se jkun msaħħa bir-ritorn tad-difensur, Oualid El Hasni, minn sospensjoni.
Din se tkun partita speċjali għar-referee, Fyodor Zammit, li se jkun qed jikkontrolla l-200 partita fl-ogħla diviżjoni Maltija wara li kien iddebutta nhar 12 ta’ Diċembru, 2010, fid-draw ta’ 2-2 bejn Qormi u Vittoriosa Stars fil-Hibernians Stadium.
Naxxar L. v Melita – Naxxar Lions iridu jinsew l-umiljazzjoni ta’ 6-0 kontra Hamrun Spartans u jirriorganizzaw fit-tentattiv li jiksbu t-tliet punti kontra Melita li kienu sekondi bogħod minn rebħa ta’ 2-1 fuq Sliema Wanderers. Iżda dawn tal-aħħar rebħu penalty biex salvaw ir- riżultat.
Iż-żewġ timijiet mistennija li jinżlu bl-aħjar formazzjoni possibbli.
Balzan v Gzira U. – Din hija logħba bejn żewġ timijiet li ġejjin minn telfa identika ta’ 2-1 … Balzan kontra Marsaxlokk u Gzira United kontra Floriana.
Rebħa għall-Gżirjani tagħti indikazzjoni bikrija għall-qasma bejn it-Top 6 u l-Bottom 6 jew aħjar li se jkunu qed jilagħbu fil-Pla-Out.
Filwaqt li Gzira għandhom lil Joseph Minala sospiż, Henri Braham Stanic jirritorna għal Balzan minn sospensjoni.