Premier: Marsaxlokk jikkonvinċu u jegħlbu lil Mosta

Marsaxlokk …..3

Mosta ………….1

Minn Cristian Muscat

Marsaxlokk bdew l-istaġun fuq nota pożittiva meta kkonvinċew bis-sħiħ u għelbu lil Mosta bl-iskor ta’ 3-1.

Wara biss sitt minuti Mar­saxlokk kienu sfortunati li ma fetħux l-iskor meta Joseph Minala ra t-tentattiv tie­għu jistampa mal-mimduda.

Mosta wieġbu fid-disa’ mi­nuta permezz ta’ daqqa ta’ ras ta’ Sunday Oke­reke li intemmet ftit barra.

Fis-16-il minuta, Marsa­xlokk fetħu l-iskor   meta MARCELO BARROS SANTOS, approfitta minn żball fid-difiża ta’ Mosta, qabeż lill-goalkeeper ta’ Mosta Demba u b’eleganza tefa’ l- ballun fix-xibka.

Madankollu, fit-28 minuta, il-Mostin kisbu d-draw meta minn azzjoni ta’ corner mogħti minn  Giancarlo Goncalves, permezz ta’ daqqa preċiża mill-viċin ZACHARY BRINCAT tefa’ l-ballun fix-xibka.

Ix-Xlukkajri rrispondew fit-38 minuta, b’xutt qawwi ta’ Mayok mid-distanza.

Huma komplew jippressaw u fil-45 minuta, Barros Santos, kellu x-xutt tiegħu salvat parzjalment minn Demba, bil-ballun jintemm għand Nikolai Muscat li venven xutt mid-distanza iżda falla l-mira.

Fis-47 minuta, ix-Xlukkajri  rduppjaw meta Juan Corbalan indirizza cross fid-direzzjoni ta’ MARCELO BARROS SANTOS li permezz ta’ daqqa ta’ ras għeleb lill-goalkeeper, Jorgen Demba.

Fit-53 minuta, huma skor­jaw it-tielet goal meta  Jose Ulises Arias  għadda taj­jeb lejn Maiok li min-naħa tiegħu serva  lil JORGE AILTON SOARES li mill-viċin tefa’ l-ballun f’lasti vojta.

Wara dan il-goal ir-ritmu naqas biex Marsaxlokk baqgħu jamministraw sal-aħħar.

Peró, fil-ħin miżjud tkeċċa Giancarlo Goncalves għal Mosta għal żewġ karti sofor.

Marsaxlokk: 22-Chris­toffer Mafoumbi, 4-Oualid El Hasni, 5-Enrico Pepe (3-Weder Soares da Silva 68), 6-Nikolai Muscat, 10-Jose Ulises Arias, 11-Juan Carlos Corbalan, 17-Jorge Ailton Soares, 25-Joseph Minala (8-Jake Ghio 87), 27-Leandro Aguirre, 95-Marcelo Barros Santos, 99-Ayom Majok (7-Nevin Portelli 61) – Coach: Vincenzo Potenza

mosta: 1-Jorgen Demba, 10-Giancarlo Goncalves, 14-Joao Victor Da Silva Dias, 16-Gianluca Sciberras, 21-Nathan Agius (6-Aboubacar Diar­ra 46), 23-Quelmer Hurtado, 26-Emmanuel Prince Chibuzor, 30-Sunday Okereke (9-Daniel Henrique Santos 66), 74-Jake Vassallo, 77-Zachary Brincat (96-Leonardo Da Silva 74), 97-Caio Silva Sena  Dos Santos (2-Aiden Agius 66)     – Coach: Joseph Grech

referee: Fyodor Zammit

ASS. refereeS: Duncan Sultana, Robert Curtis

RABA’ UFF: Raiden Psaila

SKORERS:  M. Barros Santos 16, 47, J. A. Soares 53 (Mx), Z. Brincat 28 (Mt)

AMMONITI:  J. A. Soares (Mx), Z. Brincat, C. Silva (Mt)

TKEĊĊA:  G. Goncalves 94 (Ms)

PLAYER TAL-LOGĦBA:  Mar­celo Baros Santos (Mx)