Riċentament saret il-Premjazzjoni Annwali tal-Federazzjoni Maltija taċ-Ċikliżmu fejn f’din is-serata kull min ikklassifika fl-ewwel tliet postijiet ta’ kull kategorija fiż-żewġ Kampjonati ta’ din is-sena kienu ppremjati bi trofew. Apparti dan il-klubb ta’ Team Greens CC kienu ppremjat bil-Club Overall Aggregate Cup kif ukoll bil-Club Elite Aggregate Cup.
Minħabba l-fatt li din l-attivita’ ma saritx fl-aħħar sentejn minħabba l-pandemija, ngħataw ukoll trofew lil dawk li kienu spiċċaw champions Nazzjonali, dawk tal-Kampjonat Time Trial 2020, Kampjonat Time Trial 2021, Kampjonat tar-Road 2021. Iċ-champions l-oħra Nazzjonali ta’ dawn is-sentejn ngħataw ċertifikat ta’ tifkira, filwaqt li Emmanuel Camilleri ta’ Mosta AF Sign Studio CC ġie mogħti tifkira ta’ apprezzament għal karriera twila fil-qasam tat-tiġrijiet taċ-ċikliżmu lokali (1968 – 2022). F’messaġġ li għamel John Zammit, president tal-Federazzjoni, qal li b’xorti tajba din is-sena nżammu ż-żewġ kampjonati fuq tliet tiġrijiet kull wieħed u dawn kienu ta’ suċċess l-iktar ukoll għax ma kien hemm l-ebda inċident. Huwa radd ħajr li dawk kollha li attendew, filwaqt li feraħ lir-rebbieħa kollha, huwa ħa din l-okkażjoni biex awgura Milied Ħieni 2022 mimli Barka u Ħena tas-Sena, kif ukoll Sena Ġdida 2023 mimlija saħħa u suċċessi lil klubbs u ċ-ċiklisti kollha.
Il-preżentazjonijiet li tmexxew mis-Segretarju Ġenerali tal-Federazzjoni Joe Bajada, saru mill-uffiċjali għolja tal-Federazzjoni Maltija taċ-Ċikliżmu, John Zammit, Joe Bajada u Daniel Borg Olivier, President, Segretarju Ġenerali u Teżorier rispettivament.
Ir-rebbieħa kollha kienu dawn:
Kampjonat tar-Road
Elite
Clive Ebejer (Team Greens)
Nisa
Juleanne Vassallo (Team Greens)
Under 23
Luke Borg (The Cyclist)
Masters 40+
Justin Gauci (Mosta AF Sign Studio CC)
Masters 50+
Mario Attard (Team Greens)
Juniors
Jacob Schembri (Mosta AF Sign Studio CC)
Under 16
Ishmael Grima (Shamrock Stars)
Under 14
Ryan Gatt (The Cyclist)
Under 12 Tfajliet
Nina Debono (Shamrock Stars)
Under 12 Subien
Liam Daly (Shamrock Stars)
Kampjonat tat-Time Trial
Elite
Etienne Bonello (Team Greens)
Nisa
Marie Claire Aquilina (Team Greens)
Under 23
Luke Borg (The Cyclist)
Masters 40+
Ivan Zammit (Birkirkara St Joseph)
Masters 50+
Kevin Muscat (Mosta AF Sign Studio CC)
Juniors
Jacob Schembri (Mosta AF Sign Studio CC)
Under 16
Ishmael Grima (Shamrock Stars)
Under 14
Ryan Gatt (The Cyclist)
Under 12 Tfajliet
Nina Debono (Shamrock Stars)
Under 12 Subien
Ethan Grech (Mosta AF Sign Studio CC)
