Paul Buttigieg ta’ 48 sena ġie kkundannat 18-il xahar ħabs ieħor wara li nstab ati li sentejn ilu kellu ġlieda ma’ priġunier ieħor. Hu tah daqqa ta’ ponn f’għajnu x-xellugija u kellu jingħata l-kura medika.
Fil-Qorti, quddiem il-Maġistrat Rachel Montebello il-Prosekuzzjoni li kienet immexjja mill-Ispettur Sarah Kathleen Zerafa qalet li l-ġlieda seħħet bejn iż-żewġ priġunieri fit-12 ta’ Settembru ta’ sentejn ilu f’Diviżjoni 18 tal-ħabs ta’ Kordin.
Fuq il-vittma kellhom isiru tliet punti minħabba d-daqqa’ li laqqat mingħand Buttigieg.
L-akkużat ġie mixli wkoll u nstab ħati li wettaq reat waqt li kien priġunier u li rrenda ruħu reċidiv.
Il-Maġistrat Montebello wara li semgħet il-provi mressaq kollha mill-prosekuzzjoni kkundannat lil Buttigieg għal 18-il xahar ħabs.
