Kmieni dalgħodu, Transport Malta kompliet bl-ispezzjonijiet regolari tagħha, din id-darba fil-Coast Road fl-akwati tal-Magħtab.
Twaqqfu numru ta’ karozzi u ġew ikkonfiskati tliet vetturi fuq abbuż sever. Wieħed mis-sewwieqa, pprova anka jaħrab minn fuq il-post tar-roadblock, fejn ftit metri l-isfel ġie interċettat u imwaqqaf mill-ġdid.
Il-Ministru għat-Trasport, l-Infrastruttura u l-Proġetti Kapitali Aaron Farrugia saħaq li l-abbuż mhux tollerat u għalhekk Transport Malta se tkompli tkun preżenti u viġilanti biex nagħmlu t-toroq tagħna post sigur għal kulħadd.
