Iċ-champions Franċiżi Paris St Germain għadhom qed ifittxu l-ewwel rebħa tagħhom fil-Ligue 1 wara li setgħu jiġu biss fi draw ta’ 1-1 kontra Toulouse. Kienu PSG li marru minn fuq permezz ta’ Kylian Mbappe fit-62 minuta sabiex Fati Abdoukhial ġab l-iskor indaqs.
Bosta kienu dawk il-partitarji Pariġini li esprimew il-fehma li t-tim xejn m’hu ppreparat għall-bidu ta’ dan l-istaġun u bejn it-tluq ta’ xi plejers bħal Neymar u Lionel Messi kif ukol is-sitwazzjoni turbulenti fil-klabb xejn m’hi tgħin.
Sadanittant fl-ewwel ġurnata, PSG kienu spiċċaw ukoll fi draw ta’ 0-0 kontra Lorient.
