Bosta plejers ta’ Paris St Germain ġew ikkritikati wara li ma marrux quddiem il-partitarji kif jagħmlu s-soltu sabiex isellmulhom. Dan ġara wara li l-Pariġini tilfu b’mod sorprendenti f’darhom 3-1 kontra Lorient, f’partita fejn żbaljaw kollox.
L-istess plejers qalgħu kritika ħarxa mill-partitarji li xejn ma kienu kuntenti bil-wirja tal-plejers. F’dan il-konfront Ernest Le Fee poġġa lil Lorient minn fuq sabiex Kylian Mbappe ġab l-iskor indaqs għal PSG.
It-tim li jinsab fl-għaxar post tal-klassifika xejn ma kien impressjonat minn dan kollu tant li skorja żewġ gowls oħra Darlin Yongwa u Ahmed Dieng.
Issa l-vantaġġ f’ras il-klassifika għal PSG minn ma’ Marseille naqas għal ħames punti wara li dawn tal-aħħar għelbu 2-1 lil Auxerre.
