Mara ta’ 30 sena mill-Korea t’Isfel ġiet arrestata f’pajjiżha wara li allegatament qatlet liż-żewġ uliedha u ffriżathom. Il-midja internazzjonali qiegħda tirraporta li uliedha kienu sena aktar minn xulxin u dawn inqatlu ftit wara li twieldu.
Jirriżulta li l-ewwel wild twieled fl-2018 u l-ieħor is-sena ta’ wara u dawn ġew maqtulin ftit wara t-twelid.
Il-pulizija qalu li din is-sejba saret wara investigazzjoni u hekk kif daħlu fid-dar tal-omm u fetħu l-friża sabu lit-tfal mejtin.
L-omm mill-ewwel ammettiet mal-pulizija u qalet li hi qatt ma ridet toħroġ tqila. Qalet ukoll li kienet qatlet lil uliedha ftit wara li twieldu għax ma setgħetx trabbihom minħabba problemi finanzjarji. Kien għalhekk biex ikunu “sewwa” żgur iddeċidiet li toqtilhom.
