Dawk kollha li ferħu jew gergru għax qed tagħmel ftit tal-kesħa, jidher li mill-ġimgħa d-dieħla se tagħmel ferm aktar kesħa.
Is-sit l-Aġġornament tat-Temp qed ibassar li min-nhar it-Tnejn li ġej se nkunu qegħdin nistennew li tirritorna pressjoni baxxa oħra. Din se ġġib magħha instabbilità biex b’hekk tirritorna x-xita.
Iżda mit-8 ta’ Frar se tidħol kesħa fuq pajjiżna minn fuq il-Balkani li se ġġib magħha temp xitwi u kiesaħ aktar minn dak li kien previst.
Intant temp għal għada l-Erbgħa se jkun ftit imsaħħab b’riħ moderat li jsir ħafif mill-Punent Majjistru Forza 3. Temperatura l-ogħla tmiss 16°C u l-inqas 8°C.
