Qormi Daikin kisbu t-tieni unur tal-istaġun hekk kif rebħu ċ-Challenge Cup tal-Hockey wara li għelbu lil Floriana Young Stars 2-0.
Il-Qriema, li aktar qabel rebħu wkoll is-Super Cup, skorjaw żewġ gowls fl-ewwel żewġ quarters sabiex aċċertaw ir-rebħa minn kmieni.
Tommy Kok u Luke Bajada skorjaw il-gowls tar-rebbieħa.
Minkejja l-pressjoni ta’ Floriana speċjalment fir-raba’ quarter, id-difiża ta’ Qormi Daikin żammet sod sabiex ħarġu bir-rebħ ta’ din il-kompetizzjoni.
Fi tmiem il-konfront, il-president tal-Hockey Association of Malta David Agius ippreżenta t-tazza lill-plejer ta’ Qormi Juan Sarcia.
Umpires kienu Alessandro Amore u Silvio Peralta.
Sadanittant f’logħba mill-Hockey 7s, GREE Żurrieq Wolves Hotsticks għelbu lil Floriana Young Stars 3-1.
Jayden Cutajar kien l-eroj għaż-Żrieraq meta skorja tliet gowls filwaqt li Sofia Nesca skorjat għal Floriana.
Umpires kienu Dario Cacopardo u Silvio Peralta.
Finalment f’logħba mill-kampjonat ta’ taħt l-14-il sena, Marsaskala Heat u Qormi Daikin spiċċaw fi draw ta’ 3-3.
Saviour Grech, Liam Carabott u Braylon Gatt Gellel skorjaw għall-Iskalin filwaqt li doppjetta ta’ Sam Cassar u gowl ieħor ta’ Zain Lee Carabott sabu x-xibka għal Qormi.
Umpires kienu Alessandro Amore u Silvio Peralta.
Floriana A rebħu lil Floriana B 6-0.
Michele Galea Fava u Levi Borg Borda skorjaw doppjetta kull wieħed filwaqt li Matteo Vella Chetcuti u Alec Borg Cesario żiedu aktar gowls għat-tim A.
Umpires kienu Kyran Carabott u Oscar Toledano.
