Qormi Daikin komplew jirbħu aktar unuri fil-hockey lokali meta kisbu suċċess fil-Hockey 7s. Ir-rebħa ta’ 8-4 li huma kisbu kontra White Hart tathom iċ-ċertezza matematika li se jkunu huma li se jgħollu din it-tazza.
Dan is-suċċess ikompli ma’ unuri oħra li rebħu l-Qriema matul dan l-istaġun wara l-Hockey 5s, is-Super Cup u ċ-Challenge Cup.
Il-Qriema kienu tajbin tul din il-partita fejn Giorgio Muscat u Nicole Zammit skorjaw doppjetta kull wieħeed filwaqt li Neil Spiteri Montebello, John Williams, Bir Sandhu u Wyatt Magri kienu fost l-iskorers għat-tim tagħhom.
Għal White Hart, Alessandro Piscopo skorja doppjetta filwaqt li Jerome Carabott u Andrew Foster żiedu aktar gowls.
Umpires kienu Karl Chircop u Dario Cacopardo.
F’partita oħra, GREE Żurrieq Wolves Hotsticks għelbu lil Rabat 6-2.
Stefano Schembri u Jayden Cutajar skorjaw żewġ gowls filwaqt li David Vella Dingli u Kieran Borg wkoll niżżlu isimhom fost l-iskorers.
Kevin Micallef u Bradley Micallef skorjaw il-gowls ta’ Rabat.
Umpires kienu Oscar Toledano u Karl Chircop.
F’logħba mill-kampjonat nazzjonali, GREE Żurrieq Wolves Hotsticks u Floriana Young Stars spiċċaw fi draw ta’ 4-4.
Leon Gatt, Mark Camilleri, Clive Williams u Chris Bonello skorjaw għal Floriana filwaqt li Ben Johnston skorja doppjetta għaż-Żrieraq b’Silas Plaehn and Lukas Plaehn li jsibu x-xibka għal Żurrieq.
Umpires kienu Keith Calleja u John Williams.
Mill-kampjonat ta’ taħt it-12-il sena, Marsaskala Heat rebħu 13-2 lil GREE Żurrieq Wolves Hotsticks.