Qormi Daikin rebħu l-ewwel logħba mill-EuroHockey Challenge 3 meta fil-kumpless tal-hockey f’Kirklareli fit-Turkija għelbu lil HC Klippari tal-Fillandja 3-2.
Kienet wirja kollettiva mit-tim immexxi minn Andre Ghio li dejjem kien fil-vantaġġ u għalkemm l-avversarji bdew jagħfsu għall-gowl tad-dro fl-aħħar quarter, id-difiża Maltija għarfet iżżomm sod sabiex ħarġet bl-ewwel rebħa minn din il-kompetizzjoni.
Il-gowls tal-Maltin waslu minn Keith Bajada, Steve Tanti u Juan Sarcia.
Għada Qormi Daikin jilagħbu t-tieni logħba minn dan it-turnament meta jaffrontaw lit-tim ospitu ta’ Nizip.
