L-attakkant internazzjonali Portugiż Rafael Leao qed jiġbed l-interess ta’ diversi klabbs, kemm fl-Ewropa kif ukoll fl-Arabja Sawdija. Wara li Al Hilal, Al Nassr u Al Ittihad wrew interess, issa wkoll Bayern Munich u Liverpool qed isegwuh mill-qrib. Il-Bavarjani kellhom laqgħa uffiċjali fil-Ġermanja, filwaqt li Liverpool għamel kuntatt reċenti.
Madankollu, Milan m’għandhomx l-intenzjoni li jbigħu, sakemm ma tasalx offerta ta’ madwar €130 miljun. Leao għandu kuntratt sal-2028 u jitqies bħala ċ-ċentru tal-proġett futur tar-Rossoneri.
