Hekk kif l-attakkant internazzjonali Portugiż Rafael Leao xejn m’hu għaddej minn perjodu sabiħ ma’ AC Milan, il-futur tiegħu għadu wieħed inċert fi Stadio San Siro.
Hekk kif diversi ġurnalisti saqsew lid-direttur sportiv ta’ Milan Frederic Massara rigward it-tiġdid fil-kuntratt ta’ Leao, hu qal li l-istess sitwazzjoni għaddejja ma’ Olivier Giroud.
Massara qal li fil-jiem li ġejjin se jkun qed jiddiskuti mar-rappreżentanti tal-plejer sabiex tinstab soluzzjoni prattika.
