Rafael Nadal – statistika tal-karriera tiegħu

Bir-rebħa ta’ 6-3 6-3 6-0 fuq Casper Ruud ta’ 23 sena nhar il-Ħadd, Rafael Nadal kiseb l-14-il titlu tal-French Open u t-22 wieħed tal-Grand Slam b’mod ġenerali, u kabbar ir-rekord tal-player Spanjol ta’ 36 sena f’kull kategorija u kabbar t-tentattiv tiegħu li huwa l-akbar tennista tal-irġiel ta’ kull żmien.

Dan li ġej huwa ħarsa lejn uħud min-numri sinifikanti l-oħra wara l-karriera inkredibbli ta’ Nadal.

0: In-numru ta’ drabi li Nadal tilef f’finali tal-French Open. Huwa rebaħ l-ewwel titlu tiegħu fl-2005, jumejn wara li għalaq 19-il sena, u minn dak in-nhar naqas milli jirbaħ it-tournament erba’ darbiet biss, fejn tilef fir-raba’ round fl-2009, fil-kwarti-finali fl-2015 u fis-semi-finali fl-2021 u rtira qabel it-tielet round fl-2016.

2: In-numru ta’ midalji tad-deheb Olimpiċi mirbuħa minn Nadal – waħda fis-singles fl-2008 u waħda fid-doubles fl-2016.

5: Ir-ranking tad-dinja ta’ Nadal li daħal fil-French Open ta’ din is-sena. Mill-2005 qatt ma ġie klassifikat barra l-ewwel 10.

7: In-numru ta’ avvenimenti li Nadal lagħab fl-2022, li diġà qabbel it-totali tiegħu mill-2020 u l-2021. Fl-2019 huwa lagħab fi 13-il tournament tal-ATP Tour, kif ukoll fid-Davis Cup u fil-Laver Cup.

8: In-numru ta’ drabi li Nadal lagħab f’għeluq sninu f’Roland Garros, inkluża s-semi-finali ta’ nhar il-Ġimgħa, meta għalaq 36. Fl-2015 tilef fil-kwarti-finali kontra Novak Djokovic; rebaħ is-seba’ logħbiet l-oħra.

8: In-numru ta’ sponsors ewlenin ta’ Nadal, inklużi rakketti ta’ Nike, Kia u Babolat. L-aħħar żieda hija l-birra Amstel Ultra, ftehim imħabbar f’April 2021.

14: In-numru ta’ titli tas-singles ta’ Nadal fil-French Open, rekord tal-irġiel għal tournament wieħed tal-Grand Slam. Warajh jiġi Djoko­vic (9) fl-Australian Open u Federer (8) f’Wimbledon.

15: L-età ta’ Nadal meta sar professjonali fl-2001.

22: In-numru ta’ titli tas-singles tal-Grand Slam li rebaħ Nadal, li poġġih tnejn qabel Roger Federer u Djokovic għar-rekord tal-irġiel. Nadal rebaħ mill-inqas tournament maġġuri f’10 snin dritti mill-2005 sal-2014 – rekord tal-irġiel – u flim­kien ma’ Djokovic huma l-uniċi żewġ players tas-singles tal-irġiel fl-era open tat-tennis li rebħu kull Grand Slam mill-inqas darbtejn.

24: In-numru ta’ logħbiet li rebaħ fuq Federer fil-karriera tiegħu, kontra 16-il telfa. Huwa jinsab 29-30 kontra Djokovic wara li għelbu fil-kwarti-finali f’Pariġi nhar il-Ġimgħa. Nadal qatt ma kien iffaċċja lil Casper Ruud, l-avversarju tiegħu nhar il-Ħadd.

36: L-età ta’ Nadal, li tagħmlu l-ixjeħ champion fl-istorja tal-French Open.

62: In-numru totali ta’ titli tas-singles tal-Grand Slam mirbuħa minn Nadal, Federer u Djokovic, minn 75 possibbli li bdew mir-rebħa ta’ Federer f’Wimbledon fl-2003.

83.3%: Persentaġġ ta’ rebħ tal-partiti fil-karriera ta’ Nadal. Din hija l-aqwa marka li qatt saret, eżatt qabel it-83.1% ta’ Djokovic. L-1,058 reb­ħa ta’ partiti fl-ATP Tour ta’ Nadal iħalluh ir-raba’ fil-lista tal-karriera, wara Jimmy Connors (1,274), Federer (1,251) u Ivan Lendl (1,068).

92: In-numru ta’ titli tas-singles tal-ATP Tour li rebaħ Nadal fil-karriera tiegħu, indaqs it-tielet ma’ Ivan Lendl fil-lista tal-karriera, wara Connors (109) u Federer (103).

160: In-numru ta’ ġimgħat konsekuttivi li Nadal qatta’ kklassifikat fit-tieni post wara Federer, minn Lulju 2005 sa Awwissu 2008.

209: In-numru ta’ ġimgħat li Nadal qatta’ bħala l-aqwa player tas-singles fl-ATP Tour, is-sitta l-aħjar figura li qatt intlaħqet. (Djokovic għandu 371.) Huwa spiċċa s-sena bħala n-Numru 1 tal-ATP ħames darbiet (2008, 2010, 2013, 2017 u 2019), wara Djokovic (7) u Pete Sampras (6).

$700: L-ammont li lagħbi kellu mħatri fuq Nadal għall-finali tal-Ħadd kontra Ruud biex jirbaħ lura $100 fl-odds stabbiliti mill-bookmakers ta’ DraftKings nhar il-Ġim­għa wara nofsinhar. Dan għamel lil Nadal favorit nett.

$2.4 miljuni: L-ammont li Na­dal qala’ fi premjijiet ta’ flus fir-reb­ħa tal-Ħadd. Ruud ħa $1.2 miljuni lejn id-dar qabel it-taxxa talli wasal sal-finali.

44.6 miljuni: Is-segwaċi ta’ Nadal li jgħoddu fuq Facebook, Instagram u Twitter, l-aqwa total fit-tennis, qabel Federer (40.1 miljuni), Serena Williams (32.9 miljuni) u Djokovic (29.8 miljuni).

$130.7 miljuni: il-flus tal-premju tal-karriera ta’ Nadal permezz tal-French Open ta’ din is-sena. Ir-rebħa tal-Ħadd timbottah qabel Federer ($130.6 miljuni) għat-tieni l-aħjar marka li qatt kien hemm, iżda jibqa’ wara Djokovic ($156.5 miljuni).

$500 miljun: Il-qligħ tal-kar­riera ta’ Nadal qabel it-taxxa u ħlas lill-aġenti, inklużi kemm il-premju fi flus kif ukoll l-isforzi tiegħu barra mill-court, skond l-estimi ta’ Forbes. Dan ipoġġih quddiem Djokovic (bejn wieħed u ieħor $470 miljun) iżda ħafna wara Federer, l-aqwa pitchman tal-isports, li qala’ $1.09 biljuni matul il-karriera tiegħu.