Kenneth Portelli ta’ 43 sena wieġeb mhux ħati ta’ falsifikazzjoni u frodi wara li ġie akkużat mill-Ispettur Karl Roberts li ffroda diversi ħaddiema mhux ċittadini tal-Unjoni Ewropea.
Allegatament Portelli kien iwiegħed lil dawn il-ħaddiema u anke jassigurhom li se jkollhom impjieg f’Malta u anke jiksbu permess ta’ xogħol f’pajjiżna.
Hu kien akkużat li wettaq diversi frodi fuq diversi Indjani, li ffalsifika diversi firem ta’ min iħaddem fuq applikazzjonijiet li għandhom jiġu sottomessi lill-Aġenzija Identità
Skont il-Prosekuzzjoni, Portelli kien jifforma parti minn grupp ta’ persuni li jiffrodaw lin-nies li jkunu jridu jiġu jaħdmu f’Malta, iżda jkunu ġejjin minn pajjiżi terzi.
