Tliet pulizija sofrew ġrieħi wara li allegatament ħebb għalihom raġel waqt il-qadi ta’ dmirijiethom. Il-każ seħħ aktar kmieni llum, għall-ħabta ta’ nofsillejl2, wara li l-Pulizija rċeviet rapport li kien hemm argument f’Misraħ is-Sliem, Ħaż-Żabbar.
Tliet Pulizija tad-Distrett marru minnufih fuq il-post, fejn irriżulta li kien hemn żewgt irġiel jargumentaw u kien għalhekk li ntervjenew mill-ewwel sabiex iferrquhom. F’dan il-mument wieħed mill-persuni, raġel ta’ 48 sena u residenti Marsaskala, ħebb għall-pulizija. Wara li kien immanetjat, kompla jkun aggressiv u jobżqilhom.
Żewġ persuni oħra, raġel ta’ 22 sena, ukoll residenti Marsaskala flimkien ma’ mara li l-identità tagħha għadha mhux magħrufa bdew jippruvaw iwaqqfu lil-pulizija milli jagħmlu l-arrest, jinsultawhom u jhedduhom.
Ir-raġel ta’ 48 sena ġie arrestat u aktar tard meħud il-lockup fil-Kwartieri Ġenerali tal-Pulizija, il-Furjana.
Il-pulizija ngħataw l-għajnuna medika f’Ċentru tas-Saħħa u ġew iċċertifikati bi ġrieħi ħfief. L-investigazzjonijiet tal-Pulizija għadhom għaddejin.
