Ilbieraħ, għall-ħabta tas-6:15 p.m., il-Pulizija ġiet infurmata b’inċident tat-traffiku fi Triq San Pawl tal-Qliegħa, il-Mosta.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Volvo XC 40 misjuqa minn raġel ta’ 57 sena residenti l-Imtarfa u Opel Astra misjuqa minn raġel ta’ 60 sena residenti San Pawl il-Baħar.
Fuq il-post issejjaħ tim mediku u ambulanza ħadet iż-żewġt irġiel l-Isptar Mater Dei għall-kura. Aktar tard, ir-raġel ta’ 60 sena ġie ċċertifikat li weġġa’ gravi filwaqt li l-ieħor ġie ċċertifikat li weġġa’ ħafif.
L-investigazzjonijiet tal-Pulizija għadhom għaddejjin
