Raġel ta’ 47 sena residenti Wied il-Għajn qed isofri minn ġrieħi gravi wara li aktar kmieni għall-ħabta tad-9:30 a.m, kien involut f’inċident tat-traffiku fi Triq Raddet ir-Roti, f’San Pawl il-Baħar.
Minn stħarriġ li sar irriżulta li l-vittma kien qiegħed isuq vann Mercedes, tilef il-kontroll u baqa’ dieħel ġo parapett ta’ residenza.
Fuq il-post issejjaħ tim mediku sabiex jassisti u ambulanza ħaditu l-Isptar Mater Dei għall-kura medika.
Il-Pulizija għaddejja bl-investigazzjonijiet fuq il-każ.
