Raġel ta’ 54 sena residenti l-Marsa ġarrab ġrieħi serji wara li lbieraħ għall-ħabta tad-9:00 p.m., kien involut f’inċident tat-traffiku fi Triq il-Perit Dom Mintoff, Raħal Ġdid.
Mill-ewwel stħarriġ irriżulta li għal xi raġuni s-sewwieq li kien qed isuq Honda Fit tilef ilkontroll u ħabat ġo arblu. Tim mediku assista lir-raġel u ttieħed l-Isptar Mater Dei permezz t’ambulanza.
Il-Maġistrat Dr Monica Borg Galea LL.D. ġiet infurmata u ħatret inkjesta filwaqt li linvestigazzjonijiet tal-Pulizija b’rabta ma’ dan l-inċident għadhom għaddejjin.
