Fi stqarrija l-Pulizija qalu li r-raġel ta’ 25 sena li aktar kmieni llum kien involut f’inċident bil-quad bike jinsab fil-periklu tal-mewt.
Bil-każ ġiet infurmata l-Maġistrat tal-Għassa Dr Simone Grech LL.D li fetħet inkjesta filwaqt li l-investigazzjonijiet mill-Pulizija għadhom għaddejjin.
Aktar kmieni: Ġuvni jweġġa’ gravi wara li nqaleb bil-quad bike fix-Xewkija
Ġuvni ta’ 25 sena mix-Xewkija Għawdex weġġa’ gravi wara li għall-ħabta tas-2.10pm kien involut f’inċident fix-Xewkija stess.
Mill-ewwel investigazzjonijiet jirriżulta li l-ġuvni kien qiegħed isuq quad bike fejn għal xi raġuni nqaleb. L-inċident seħħ fi Triq il-Kav. Lorenzo Zammit Haber.
Fuq il-post mar tim mediku b’ambulanza mill-Isptar Ġenerali t’Għawdex li wara li tawh l-ewwel għajnuna ttieħed l-isptar għal aktar kura.
Il-pulizija qegħdin jinvestigaw dan il-każ.
