Raġel ta’ 59 sena residenti Raħal Ġdid miet wara li waqa’ minn għoli ta’ madwar sular minn gallarija.
L-inċident seħħ il-Ħamis, 9 ta’ Settembru għall-ħabta tad-9.15 p.m. fi Triq Ġebel Ħanxul, Wied il-Għajn.
Ir-raġel kien ingħata l-għajnuna minn tim mediku u wara ttieħed l-Isptar Mater Dei b’ambulanza u ġie ċċertifikat li sofra ġrieħi ta’ natura serja. Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
Ir-raġel sfortunatament tilef ħajtu dalgħodu.
B’rabta ma’ dan il-każ infetħet inkjesta mmexxija mill-Maġistrat tal-Għassa Dr Nadine Lia. L-investigazzjonijiet tal-Pulizija għadhom għaddejjin.
