Raġel sofra ġrieħi wara li għall-ħabta tas-7:00 a.m kien involut f’inċident tat-traffiku fi Triq l-Għarb fl-Għarb Għawdex.
Minn stħarriġ illi sar irriżulta li kienet seħħet ħabta bejn Toyota Auris misjuqa minn mara ta’ 47 sena residenti San Lawrenz u tractor misjuq minn raġel ta’ 29 sena residenti x-Xewkija.
Ir-raġel ingħata l-għajnuna minn tim mediku li ssejjaħ fil-post sakemm seta’ jittieħed lejn l-isptar Ġenerali ta’ Għawdex b’ambulanza fejn aktar tard ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
