Il-Pulizija intalbu jintervjenu f’argument li qam ilbieraħ għall-ħabta tat-3:15 p.m. fi Triq il-Ħabs l-Antik, l-Isla.
Minn stħarriġ illi sar irriżulta li kien qam argument bejn raġel ta’ 41 sena residenti Bormla, raġel ta’ 43 sena residenti l-Isla u mara ta’ 41 sena mill-Isla wkoll.
Waqt l-argument, ir-raġel ta’ 41 sena ġarrab xi ġrieħi. Huwa ngħata l-għajnuna minn tim mediku u ttieħed l-Isptar Mater Dei b’ambulanza għall-kura meħtieġa. Aktar tard, huwa ġie ċċertifikat li qiegħed isofri ġrieħi gravi.
L-investigazzjonijiet mill-Pulizija għadhom għaddejjin.
