Illum, għall-ħabta tal-4.00am, il-Pulizija ġiet infurmata li kien hemm bżonn l-assistenza tagħha fi Triq il-Kbira, il-Mellieħa.
Il-Pulizija marret immedjatament fuq il-post fejn minn stħarriġ preliminari li sar irriżulta li raġel ta’ 43 sena u jgħix Ħal Għargħur, daħal f’sit li jinsab taħt kostruzzjoni u waqa’.
Tim mediku u membri mid-Dipartiment tal-Protezzjoni Ċivili assistew lir-raġel u wara ttieħed l-Isptar Mater Dei permezz t’ambulanza. Aktar tard, huwa kien iċċertifikat bi ġrieħi gravi.
L-investigazzjonijiet tal-Pulizija għadhom għaddejjin.