Raġel kellu jiddaħħal l-Isptar wara li iktar kmieni llum, għall-ħabta tad-9:30 a.m., kien involut f’inċident tat-traffiku li seħħ fi Triq it-Tamar, San Pawl il-Baħar.
Minn stħarriġ illi sar irriżulta li Sirjan ta’ 26 sena residenti San Pawl il-Baħar stess intlaqat minn vettura ta’ tip Citroen Jumper misjuqa minn raġel ta’ 41 sena residenti iż-Żejtun.
Is-Sirjan ingħata l-ewwel għajnuna minn tim mediku sakemm seta’ jittieħed lejn l-Isptar Mater Dei għal aktar kura permezz ta’ ambulanza li ssejħet fuq il-post. Aktar tard huwa ġie ċċertifikat li weġġa’ gravi.
L-investigazzjonijiet tal-Pulizija b’rabta ma’ dan il-każ għadhom għaddejjin.
